Raha mahavita ny
asa androany ianao, dia ho tonga amin’ny am-pahatelon’ity vinavina ity. Ahoana
no iainanao an’ity traikefa ity? Zarao aminay etsy ambany ny fanamarihanao.
Angamba ny asa ho
an’ny fanamby lehibe indrindra androany dia ho an’ny lafiny fifandraisana
amin’olona. Afaka hitondra vokatra mahatalanjona ho anao koa anefa.
Mieritrereta olona iray izay mahafinaritra anao. Inona no mahafinaritra anao ao
amin’io olona io? Nahoana?
Aoka ianao ho
sahy, raiso ny finday na manatona an’io olona io ka anontanio azy hoe: Ahoana
ny fomba fanaovanao an’izao? Inona ny tsiambaratelo mba hahatonga ahy ho (fenoy
amin’ilay toetra)? Manana torohevitra ve ianao homena ireo izay te-hivoatra?
Raha hitanao fa
ilaina, azonao lazaina aminy ve fa ireo fanontaniana ireo dia asa ao anatin’ny
vinavina voatokana izay ataonao. Ataovy am-piheverana anefa ka aza mampandany
fotoana be an’ilay olona, misaora azy noho ny fanampiany.
Ankoatra ireo
torohevitra ho azonao, io asa io dia hanampy anao koa handresy ny mety ho
fahamenarana ao aminao, ka hahatonga anao hanakaiky kokoa an’io olona io ary
angamba koa hanomboka zavatra tena mahasoa ho amin’ny ho avinao. Noho izany,
ataovy izay azo atao tsy hialana amin’io asa io.
Rahampitso
indray.
Aucun commentaire:
Enregistrer un commentaire