Taona vaovao, fiainana vaovao?
Ny tsirairay dia manantena
an’izany, na ireo izay mino an’i Jesosy aza. Fa moa ny fanantenana irery ihany
ve afaka manome anao fiainam-baovao amin’ity Taona Vaovao ity?
Ny azontsika atao mba hamaliana io
fanontaniana io dia ny mitodika amin’ny lasa. Ireo olona taloha dia nanantena
an’izany ihany koa tamin’ny fotoana tahaka izao. Fanantenana mitovy amin’izany.
Ary inona no zavatra nitranga? Tsy misy na inona na inona. Ho an’ny
ankamaroan’ny olona, vaomaika miha ratsy aza. Fa maninona no izany no mitranga?
Satria ny fiainam-baovao dia tsy miankina amin’ny fientanam-po, fa miankina amin’ny
finoana arahin’asa. Fa manao ahoana ary izany? Ndao hiverenana kely anie ny
fotoana ara-baiboly.
Andriamanitra dia niantso an’i
Abrahama mba hanangana firenena izay hiavaka amin’ireo firenena tsy misy Azy. Tany
Egypta, Isiraely zafin’i Abrahama
dia niteraka ka tonga firenena lehibe. Nanafaka azy ireo tamin’ny fanandevozana
tao Egypta ny Tompo ary nanampy azy ireo nanorina firenena matanjaka sy natahorana indrindra.
Fa noho ny tsy fankatovan’izy ireo, Isiraely dia niverina tany amin’ny ivo
ara-panahy izay nisy an’I Jakoba. Niverina amin’ny maha andevo azy izy ireo
tany amin’ireo firenena hafa.
Ny tantara dia mbola miverina.
Rehefa salama ara-panahy ilay olona, misy ny fiadanana, ny fahasalamana ary ny
firoboroboana, fa rehefa lavitra an’Andriamanitra
kosa, ny devoly no mandray an-tànana ny fiainan’izy ireo.
Efa ho 100 taona lasa izay no niverenan’izy
ireo ao amin’ny firenenan’i Palestina, mandrak’ ankehitriny, efa hatramin’ny
fotoan’andron’ilay mpaminany Malakia, i Jakoba dia mbola lavo ara-panahy
indray. Ireo pretra dia niaina tao anatin’ny fitaka ary toy izany koa no
nitranga teo amin’ny vahoaka. Ny tsy fahamarinana, ny fivadihana, ny
fanambadiana olona samihafa finoana, ny fisaraham-panambadiana, ny
fanopoan-tsampy, ny famosaviana, ny fijangajangana, ny halatra ary izay zavatra
rehetra tsy rariny no nataony. Ary
raha nitaraina tamin’ny Tompo izy ireo dia, namaly Izy manao hoe: Fa
izaho Jehovah dia tsy miova. Efa niala tamin’ny didiko hianareo ka tsy nitandrina
azy… Miverena amiko, dia mba hiverina
ho aminareo kosa Aho. Nefa hoy
hianareo: Ahoana ary no hiverenanay?
Ary Andriamanitra dia nanome ny
tsiambarantelo ho an’ny fiainam-baovao amin’ny taona vaovao: Aoka hianareo
hahatoky amin’ny fahafolon-karena sy ny fanatitra. Malakia 3:6-12
Mazava ho azy!
Ny fanambadiana dia tsy afaka haorina
indray raha tsy misy aloha ny fanorenana ny fototry ny fahatokisana
ara-panambadiana.
Izany ihany koa no hampiharina
rehefa manao fifanekena
amin’Andriamanitra.
Amin’ity taona ity, manomboha ny
Taona Vaovao amin’ny tsy fivadiahana amin’ Andriamanitra ka izahao toetra ny tsy
fivadihany aminao.
Aoka ianao mihitsy no hijery raha
marina ny Teniny na tsia!
Ny fahafolon-karena dia manambara
tsy fivadihana, izany no mariky ny fiaraha-miasanao amin’Andriamanitra.
Rehefa tsy mivadika Aminy isika, voatery Izy hanao toy izany
ihany koa amintsika.
Izany no mahatonga Azy hiteny mafy
ny fanahy mpandroba.
Na iza na iza te hanomboka fiainam-baovao
dia tokony hahatoky amin’ny fahafolon-karena amin’Andriamanitra aloha.
Raha tsy izany, hanantena fiainam-baovao
mandra-pahafatiny izy, ary tsy misy zavatra hiova.
Eritrereto izany!
Aucun commentaire:
Enregistrer un commentaire