Fandanjalanjana ny finoana.
Ny asan’ny nofo :
Ny fijangajangana - ny sitrapon’ny nofo mba hanome fahafaham-po ny vatana;
Ny fahalotoana – fikomiana manohitra izay lazain’ny fanahy ho madio sy marina;
Ny fijejojejoana - ny fanomezana fahafaham-po amin’ny filan’ny nofo; ny faniriana ny fanaovana firaisana ara-nofo tsy misy fandraisana andraikitra ;
Ny fanompoan-tsampy - ny fanompoana olombelona, vola, sary sikotra na sary, ny fanompoana na ny fametrahana zavatra iray ho ambony noho Andriamanitra Tompo.
Ny fanaovana ody ratsy - ny fanaovana fombafomba maizina toy ny famosaviana, ny ozona, ny fiantsoana fanahy ratsy, ny fanaovan-tsorona sakafo, zava-pisotro na biby na ihany koa olombelona amin’ireo mpanao ody gasy na ireo fanahy maloto. Ny fankalazana na ny fahatsiarovana ny andro manokana an’ireo olona izay lazaina ho masina;
Ny fandrafiana - ny lolom-po, ny fankahalana, ny haratsiam-panahy na haratsian-toetra;
Ny fifandirana - ny fanomezana fialan-tsiny lava, ny ady tsy misy fiafarany, ny adiady, ny fifandonana;
Ny ady lahy - ny fitaintainana vokatry ny fiahiahiana, ny fatahorana ny rafy eo amin’ ny fiainana ara-pitiavana na eo amin’ny lafiny hafa eo amin’ny fiainana, ny fahalemena;
Ny fialonana - ny fahakiviana, ny hatezerana na alahelo noho ny fahombiazana na ny fifalian’ ny hafa, ny faniriana mafy zavatra iray tian’ny hafa;
Ny hatezerana - ny fiafonafonana, ny haromotana, ny faniriana te hamaly faty;
Ny fisarahana - Ny tsy fifanarahana, ny tsy fahaiza-miaina, ny disadisa, ny tsy fitovian-kevitra, ny ady sns…
Ny fifanoherana - ny tsy fifanarahana, ny tsy fifanarahan-kevitra
Ny fitokotokoana - ady eo amin’ny vondrona ara-pivavahana, mpanao fanatan- jahantena, ny antoko politika, sns.;
Ny fahamamoana - ny fisotroana toaka diso tafahoatra, ny fanampoizinan-tena, ny fahazaran-dratsy amin’ny toaka,
Ny hatendahana - ny fihinana diso tafahoatra loatra, ny fahazotoan-komana tsy misy fetra, ny fihinana mihoatra noho izay zakan’ny vavony, sns …
… ary toy izany, izay lazaiko aminareo rahateo, tahaka ny voalazako fahiny koa, fa izay manao izany dia tsy handova ny fanjakan’Andriamanitra. Galatiana 5:19-21
Ny vokatrin’ny Fanahy Masina
… fa ny vokatry ny Fanahy kosa dia fitiavana, fifaliana, fiadanana, fahari-po (fahamoram-panahy), fanaovan-tsoa, fahamarinana, fahalemem-panahy, fahononam-po,; tsy misy lalàna manohitra izany. Galatiana 5:22
Aucun commentaire:
Enregistrer un commentaire