Mieritreritra ny hivadika
amin’ny vadinao ve ianao indray andro ?
Alohan’ny hamalianao, mieritrereta
miaraka amiko. Rehefa mikasa hanao zavatra isika, dia miditra ao anatin’ny planina
hahatanteraka izany ny eritrerintsika. Mandeha ho azy izany satria toy izay ny
fiasan’ny saintsika.
Rehefa manambara ny sitra-poko amin’ny saiko aho, amin’ny
maha-mpanompo tsara azy, dia manomboka mitady ny fomba ahatanterahana izany
izy.
Noho
izany, raha mikasa hividy BMW aho, ohatra, ny saiko dia hilaza amin’ny masoko
fa tokony hijery ireo BMW mandalo eny an-dàlana izy. Tampoka eo, dia manomboka
mahatsikaritra ireo fiara ireo tsy toy ny teo aloha aho. Toy izay ihany koa
ireo mpanjinjaran’ity « marque » ity. Mitady amin’ny internet aho
momban’ny modely, « options », vidiny sy ny mikasika azy rehetra.
Manao « comptes » aho mijery raha afaka mividy, ary raha tsy afaka,
inona no tokony ho ataoko mba ahafahako indray andro, manao izany. Miresaka
amin’ireo namako izay mahalala mikasika ny fiara aho. Ary toy izay hatrany. Tsy
hitsahatra hiasa ny saiko hatramin’ny fotoana farany hoe, azoko ilay BMW tena
niriako – na rehefa ajanoko ilay hevitra. Fa ny rehetra dia nanomboka tamin’ny
faniriana, fikasana.
Aoka ary
isika hiverina amin’ny fanontaniantsika tamin’ny voalohany.
Raha mikasa
hampirafy ny vadinao ianao indray andro, dia tafiditra ao anatin’izany drafitra
izany, ka noho izany dia efa eo am-piasana ny sainao hanatanterahana izany.
(Manantena aho fa hanao ny asany feno izy ka hanaitra anao amin’ny vokatr’izany
fihetsika izany, toy ny fisarahana mandany vola, ny henatra eo anatrehan’ny
fianakaviana sy ny namana, ny fanamelohana izay havesatra mandritran’ny taona
maro, ny fahadisoam-panantenan’ny ankizy, ny mari-pankasitrahan’ny vendrana
indrindra eo amin’ny rindrina… sns.)
Fa raha
tsia marina ny valinteninao, fa tsy mbola nikasa hampirafy ianao, valio ary na
dia izany aza:
Nahoana
ianao no mijery ny vehivavy hafa raha tsy mikasa hahazo azy ireo ?
Nahoana
ianao no mijery foana amin’ny ratsy eny amin’ny vadinao raha mikasa hijanona eo
anilany mandrakizay ?
Nahoana
ianao no mbola manaiky « namana » tsy mitovy karazany aminao, satria
tianao ny sariny, na ho an’ny lahy izany na ho an’ny vavy ?
Nahoana
ianao no mandany fotoana mijery sary mamaofady raha tsy hiaraka amin’iny olona
iny na oviana na oviana ?
Nahoana
ianao ny liana ny amin’ny fiainan’ny olona niaraka taminao taloha ?
Nahoana
ianao no mbola mitohy mifandray amin’ilay olona misaritsarika anao any am-piasana ?
Nahoana
ianao no tsy manao mihaotra, ka ho fifaliana ny fanambadianao fa tsy
vesatra ?
Nahoana ?
Aucun commentaire:
Enregistrer un commentaire