“Ka dia ho hitanareo indray ny tsi-fitovian'ny marina sy ny meloka, dia ny manompo an'Andriamanitra sy ny tsy manompo Azy.” (Malakia 3:18)
Rehefa mampanantena
antsika Andriamanitra fa ho hitantsika indray ny tsy fitoviana, dia mazava
tsara fa izay nataony teo amin’ny fiainan’ireo Mpanompony tamin’ny lasa dia mbola hataony ihany
koa eo amin’ny fiainan’ireo Mpanompony ankehitriny.
Ankoatran’izany,
dia tombony ho Azy tokoa ny maneho izany fahasamihafana izany eo amin’ireo
manompo Azy sy ireo izay tsy manompo Azy.
Nano
izany fahasamihafana izany Izy teo amin’ny fiainan’I Noa, Joba, Isaka, Mosesy,
Josoa sy ireo rehetra izay natahotra Azy ary nandeha araka ny Fahamarinany.
Ary
raha miresaka fahamarinana ihany isika, jereo anie hoe ho hitanareo indray ny
tsi-fitovian'ny marina sy ny meloka. Nahoana moa no tsy eo amin’ny marina sy ny
tsy marina?
Satria
ny tsy marina dia vetaveta izy.
Vetaveta
izy satria tsy mijery ny vidin’ny fanavotana izay naloan’ny Tompo;
Vetaveta
izy satria ariany ny Fanatim-pamonjenan’ny famonjena azy;
Vetaveta
izy satria tsy nanome lanjany izay Nataony mba ho voavidy indray;
Vetaveta
izy satria tsy mijery ny Tompo mihitsy;
Vetaveta
izy satria tsy mihevitra ny sorona rehetra izay nataon’i Jesosy ho azy.
Eny,
tokony hisy fahasamihafana mihoatra noho ny ara-dalana, manaitra ary hita maso
mba tsy hisian’ny fisalasalana eo amin’ireo izay avy sy tsy avy amin’ Andriamanitra.
Jesosy
dia namerina izany teny fikasana izany rehefa niteny: “Izay mino Ahy, dia hisy
onin'ny rano velona miboiboika avy ao an-kibony, araka ny voalazan'ny Soratra
Masina.” (‘Jean 7:38)
Tsy haiko
eritreretina izany hoe hino an’i Jesosy Tompo araka ny Baiboly Masina nefa na
dia izany aza hanana fiainana mitovy na ratsiratsy kokoa amin’ireo izay tsy
mino. Tsy rariny izany avy amin’Andriamanitra. Aiza moa no ho rariny izany?
Mba efa
noeritreretinao ve izany?
Manambara
finoana an’i Jesosy ianao nefa miaraka amin’izany dia sombitsombin’ny afobe
kely ny fiainanao any an-tranonao, any amin’ny asa, any am-pianarana, eny
an-dalana, izany hoe, tsy manana fiadanana, fifaliana... ianao. Mahatsapa
fifaliana ihany ianao rehefa mandresy ny ekipanao ary na dia izany aza dia
hafaliana mandalo izany.
Sady
mbola mpitantana olana ihany, aretin’an-doha lava, tsy fahitan-tory,
fahakizintinana, fikorotanan-tsaina, alahelo, faniriana hamono-tena, fanina, fiainam-pianakaviana
mahatsiravina, zanaka maditra, fisarahana eo anivon’ny fianakaviana sy ny
sisa...
Ary na
izany aza dia mbola misisika foana ianao hoe mino an’i Jesosy...
Inona
avy ary no tena diso: ny finoany an’i Jesosy no tsy marina sa ny teny fikasan’Andriamanitra
no tsy marina?
Nefa, araka
ny finoana velona sy marina, izay mino an’i Jesosy dia tokony hanana fiainana
hafa noho ny fiainan’ireo izay tsy mino. Tsy hay atao izany hoe mino Azy araka ny
Teniny nefa tsy hisy fahasamihafana.
Marina
sa tsia?
Noho
izany, ny alahadyfaha-23/09/12 – manerana ny Fiangonana FVKFM rehetra, dia ao
anatin’ny Fanahy iray ihany isika, ao anatin’ny finoana iray ihany, fo iray eo
anatrehan’ny Seza Fiandrianan’ny hiaraka amiko.
Izay
tsy mino, andraso kely...
Aucun commentaire:
Enregistrer un commentaire